Заңгер пікірі: Ата заң тарихпен үндесіп жатыр

«Ата заң – мемлекеттің темірқазығы! Оның тамыры тереңде жатыр. Оған тұғырлы тарихымыз куә». Бұл Мақсұт Нәрікбаев атындағы университеттің оқытушысы, заңгер Ахметжан Бейсембековтың пікірі. Ол құқық кепілі болған заң нормаларының шығу төркінін сонау Алтын орда дәуірінен бастауға болады дейді.

Ахметжан Бейсембеков, М.Нәрікбаев университетінің оқытушысы, заңгер:

Жеті жарғы, Қасым ханның қасқа жолы деп айтылды. Әріде Алтын Ордадан бастауға болады мұны. Атауы, этимологиясы басқаша аталғанымен, өзінің функциясымен әлеуметтік мәнін сол уақытта атқарды бұл. Біздің Конституциямыз өзінің әлеуметтік мәнін орындау үстінде. Біз оны жоққа шығара алмаймыз. Әрине, құқықтық тәжірибе болған соң, мемлекет болған соң, қоғамдық қатынастар бір орнында тұрмайды. Кеше болған жағдай бүгін – тарих.