Паралимпиада-2024: Қазақстан алғашқы қолаға үмітті

Париж Паралимпиадасындағы алғашқы қолаға үміттіміз. Дүбірлі додада Қазақстан намысын қорғап жатқан пара таэквондошы Милана Красавцева бірер минутта жұбаныш жекпе-жегін өткізеді. 52 келіге дейінгі салмақ дәрежесінде өнер көрсететін ол Мысыр спортшысы Сальма Әли Абдал Монем Хассанмен кездесіп, қолаға таласады. 19 жастағы пара атлет Милана Красавцева Париж төрінде К44, яғни бір немесе екі қолы бірдей зақымданған спортшылар санатында бақ сынап жатқанын айта кетейік. Сондай-ақ бүгін отырып ойнайтын волейболдан Қазақстан құрамасы топтық кезеңдегі алғашқы ойынын жарыс иелеріне қарсы өткізеді. Кездесу біздің уақытпен 23:00-ге белгіленген.

Қаракөз Тұрмағанбет