АЭС – энергетикалық қауіпсіздік кепілі

«Атом электр станциясын салу-елдің экономикалық әлеуетін арттырып, энергия тапшылығы проблемасын шешеді». Брюссель энергетикалық клубының сарапшысы Марат Тертеров осылай дейді. Сарапшының айтуынша, Қазақстан АЭС салу арқылы өзінің ғана емес Орталық Азия елдерінің де энергетикалық қауіпсіздігін қамтамасыз етеді. Таза отынды өндіру кезінде қоршаған ортаға еш зиян келмейді. Қайта Қазақстанның көмірсутектен арылуына, декарбонизация процесін жеделдетуге септігін тигізеді, дейді еуропалық сарапшы.

Марат Тертеров, Брюссель энергетикалық клубының сарапшысы:

Ядролық энергетиканың артықшылығы көп. Атом электр станциясы өндірген электроэнергия таза отын, әрі өте тиімді екенін халықаралық тәжірибеден байқап отырмыз. Ол-электроэнергия өндірудің сенімді көзі. 2030 жылға қарай Қазақстанда электроэнергия тапшылығы болады дейді. Демек, АЭС салу-елдің энергетикалық қауіпсіздігін қамтамасыз етеді. Атом энергиясын бейбіт мақсатта пайдалану қауіпсіз.

Нұрсұлу Қасым