Елімізде АЭС салу ғылымды дамыта түспек

Атом электр станциясын салу еліміздің энергетикалық қауіпсіздігін арттырып қана қоймай, ғылымды дамыта түспек. Мамандарды даярлауға қытайлықтар да қол ұшын созуға дайын.

Андрей Кебарин, Алматы Энергетика және байланыс университетінің профессоры:

Біз заманауи база мен бағдарламаларды пайдалана отырып, ядролық энергетикаға қажетті мамандарды даярлай аламыз. Қазір осы бағытта гранттар да көбірек бөлініп жатыр. Салаға, әсіресе, ғылымға қызығушы жастар көп. Олар атом станциясында жұмыс істеп, ғылыммен айналыса алады.

Чао Ган, Қытай ұлттық ядролық корпорациясының вице-президенті:

Қазақстан мен Қытай қатынасын достыққа бағытталған берік әріптестік байланыс деп бағалауға болады. Біз көршілерімізге, сіздерге АЭС салу бойынша көмектескіміз келеді. Ең басты талап – қауіпсіздік. Сондай-ақ маман даярлауға да басымдық береміз. Болашақта салынуы мүмкін атом станциясында уақыт өте келе толық қазақстандық кадрлар қызмет етуі керек деп ойлаймын.

Досжан Маратұлы