Еуроодақ заңсыз миграциямен күресті күшейте бастады

Еуропалық Одақ заңсыз миграциямен күресті күшейтпек. Келімсектерден шекараны қорғау үшін Одақ елдері 400 млн еуроға дрон сатып алмақ. Frontex шекаралық бақылау агенттігі ұшқышсыз ұшатын аппараттарды, байланыстырушы ақпараттық технология мен түнде анық көрсететін құрылғыларды тендер арқылы алу туралы келісімге келді. Агенттіктің мәліметінше былтыр ЕуроОдаққа 330 мың заңсыз мигрант келген. Бұл 2022 жылмен салыстырғанда 64 пайызға көп. Сондай-ақ жақында Еуроодақ миграциялық заңнамалар реформасын бекітті. Жаңа ережеге сәйкес Марокко, Тунис, Бангладеш сынды қауіпті мемлекеттерден келген босқындарды елдеріне қайтару механизмі күшейтілді.

Нұрсұлу Қасым