ДДСҰ маймыл шешегімен күресуге 135 млн доллар cұрамақ

Маймыл шешегімен күреске алдағы жарты жылда 135 миллион доллар қажет болады. Мұны Дүниежүзілік денсаулық сақтау ұйымының басшысы Тедрос Адханом Гебрейесус айтты. Оның сөзінше, халықаралық қауымдастыққа осы мақсатқа қаржы бөлу туралы өтініш келесі аптада жасалады.

Маймыл шешегі бірнеше ай бұрын Конго Демократиялық Республикасында өршіп, 500-ден астам адамның өмірін қиды.

Жалпы алғанда, жұқпалы инфекция әлемнің 116 еліне тараған. Дегенмен Дүниежүзілік денсаулық сақтау ұйымы бұл ауруды жаңа ковид деп есептемейді және онымен күресудің тәсілдерін білетінін мәлімдеп отыр.