Данияда маймыл шешегіне қарсы вакцина өндірісін арттыру жөнінде талқы болады

Даниядағы биотех компаниялардың бірі осы аптада маймыл шешегіне қарсы вакцина өндірісін арттыру жөнінде шешім қабылдамақ. Мұны осы фирманың басқарма төрағасы Пол Чаплин «Рейтер» агенттігіне берген сұқбатында мәлімдеді. Оның сөзінше, екпені көптеп шығару жайында қазір Дүниежүзілік денсаулық сақтау ұйымы және Африка елдерімен келіссөз жүргізіліп жатыр. Айта кетсек, өткен аптада осы инфекцияға байланысты жаһандық төтенше жағдай жарияланды. Зерттеулерге қарағанда, әлем елдеріне тез тарап жатқан маймыл шешегі адамдар арасындағы жақын байланыстан жұғуы мүмкін.

Арыстан Рысбек