Жаңалықтарды Telegram арнамыздан оқыңыз!АҚШ-та демократиялық партияның 49-шы құрылтайы басталды. Жиынның ашылу сәтінде президент Джо Байден көзіне еріксіз жас алды.
Бұл - Байденнің сайлауға қатысудан бас тартқаннан кейін ауқымды жиынға алғаш қатысуы. Ақ үй басшысы өзінің мұрагері Харристің рөлі туралы эмоциялы сөз сөйледі, Трампты сынады. Ал президенттікке кандидат Камала Харристің құрылтай басталарда келуі де тосынсый болды. Себебі жиналғандар оны ерте келеді деп күтпеген еді. Харрис Байденге «Тарихи көшбасшылығы, ұлтқа қызметі үшін» алғыс айтты. Осы жиында Камала Харрис президенттікке кандидатураны ресми түрде қабылдайды. Демократиялық партия съезі 4 күн жалғасады.
Арай Төлегенқызы
