Жаңалықтарды Telegram арнамыздан оқыңыз!Күзгі дала жұмыстарын жүргізу үшін шаруаларға арзан бағада 64 мың тонна дизель отыны жөнелтілді. Ал егін науқаны аяқталғанша 355 мың тонна жеткізіледі. Жетпесе, қосымша тағы бөлінеді. Үкіметте күзгі жиын-терін бойынша кеңес өтті. Биыл Президенттің тапсырмасы бойынша көктемгі егіс және егін жинау науқандарына рекордтық көрсеткіш көлемде қаражат бөлінді. 580 млрд теңге. Сондай-ақ ауыл шаруашылығы техникасын лизингке сатып алу 5 есеге ұлғайтылды. Премьер-Министр Олжас Бектенов жауаптыларға осы мәселені тұрақты бақылауда ұстау үшін жедел штаб құруды тапсырды. Вице-премьер Серік Жұманғарин басшылық ететін штаб әкімдіктер мен шаруалар арасындағы жұмысты үйлестірмек.
Самал Қабышева
