Онлайн несиені шектеуге қатысты петиция жарияланды

Қазақстандықтар онлайн несиені шектеуге қатысты петиция жариялады. Бастамашыл топтың айтуынша, мұның жағымсыз тұстары өте көп. Өйткені несие алу жеңілдегенімен, әлеуметтік-экономикалық салдары ауыр. Мәселен оңай олжа деп онлайн несиеге жүгіну адамдардың қарыздық жүктемесін арттырады. Осал топтар арасында қаржылық тұрақсыздыққа әкеледі. Жоғары пайыздық мөлшерлеме салдарынан халықтың бұл тұзақтан шығуы өте қиын. Тіпті алаяқтық, ұрлық, бопсалау сияқты қылмысқа ұласқан фактілер аз емес. Сол себепті петиция авторлары онлайн несиеге біржола тыйым салуды ұсынып отыр. Әрі микроқаржы ұйымдарының қызметіне заң жүзінде бақылауды күшейту керектігін айтты.

Раушан Сайлауқызы