Жаңалықтарды Telegram арнамыздан оқыңыз!Көлік салығын төлемеген теріскей тұрғынының қарызы 13 млн теңгеден асты. Мамандардың айтуынша, ол 10 жылдан бері міндетті төлем жасамай келеді. Борышкердің ісі сотта қаралып, ел аумағынан шығуға тыйым салынған. Жалпы өңірде 7 мың адамның көлік салығының берешегі 330 млн теңгеден асады.
Сұңғат Қоспаев, СҚО Мемлекеттік кірістер департаменті Өндірістік емес төлемдер басқармасының басшысы:
Берешегі 1 АЕК-тен асатын борышкерлердің тізімі сот орындаушыларына жіберілді. Салықты өндіріп алу мақсатында олардың мүлкіне тыйым салу, банктік шоттары бойынша шығыс операцияларына шектеу қою сынды шаралар қолданылады. Қарыз көлемі 40 АЕК-тен асқан азаматтарға республика аумағынан шығуға тыйым салынуы мүмкін.
Эльмира Кәленова
