Грекиядағы өртті өшіру қиындап барады

Грекия астанасы Афины маңында орман өрті дес бермей жатыр. Жалынның тез тарауына аптап ыстық себеп. Айналаны қою қара түтін басқан. Үйлер, ағаштар, көліктер өртенді. Тұрғындар қауіпсіз жерге көшірілген. Тілсіз жаумен күреске 400 маман, тікұшақтар мен ұшақтар тартылды. Грекияда мамырдан бері жүздеген орман өрті тұтанды. Бұған климаттың өзгеруі, ыстық, әрі құрғақ ауа-райының жиі болуы себеп.

Еуропаның Испания, Италия, Франция сынды елдерінде де сынап бағанасы бүгін аптап ыстықты көрсетіп тұр. Испанияда ауа температурасы 45 градусқа дейін көтерілген. Тұрғындарға сақ болу туралы ескерту жасалды.

Арай Төлегенқызы