Ақтөбе облысында су тасқынынан зардап шеккендер үшін 400-ден астам жаңа үй тамыз айының соңына дейін тапсырылады. Премьер-министрдің орынбасары Қанат Бозымбаев Ақтөбе облысы Темір, Мұғалжар, Ойыл, Қобда, Ырғыз және Әйтеке би аудандарының ауылдарына барып, тұрғын үй құрылысының қарқынын тексерді. Жұмысты жеделдету үшін вице-премьер Ойыл және Ырғыз ауданына жұмыс күшін және қосымша техника тартуды тапсырды. 15 қыркүйекке дейін су тасқынынан зардап шеккендердің барлығын баспанамен қамту міндеті қойылды.
Қанат Бозымбаев, ҚР вице-премьері:
Инфрақұрылымдарға да дәл осындай мерзім беріп жатырмыз. Көбісі осы тамыз айында біту керек. Су мәселесі, электр энергиямен қамтамасыз ету, газ, бәрін қосу керек. Үйлерге кіргізу қажет.
Ғабит Ұзақбай
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Тасқыннан зардап шеккендердің барлығы баспанамен қамтылады&mh_tags=Qazaqstan&mh_page=https://qazaqstan.tv/news/197677/)