Жаңалықтарды Telegram арнамыздан оқыңыз!
«Орталық Азия елдері мен Жапония ынтымақты кеңейтуде зор әлеуетке ие». «Орталық Азия + Жапония» диалогы бизнес-форумында сөз алған Премьер-министр осылай деді. Олжас Бектеновтың айтуынша, жапондық инвесторлардың қатысуымен трансұлттық жобаларды жүзеге асыру аймақтың экономикалық өзара байланысын жақсартады. Ал өзара құрылып жатқан ІТ экожүйесі мемлекеттік басқару секторын, финтех индустриясын және электронды коммерцияны жаңғыртпақ. Бұдан өзге жиында Экономикалық байланыстарды нығайту, көлік-логистика саласы, ауыр өнеркәсіп секторындағы өзара іс-қимылды кеңейту перспективалары талқыланды.
Олжас Бектенов, ҚР Премьер-министрі:
Өз кезегінде Орталық Азия – бұл қарқынды дамып келе жатқан аймақ, оның даму қарқыны жоғары және жан-жақты ынтымақтастық үшін барлық жағдай жасалған. Біздің аймағымыздағы елдер мен Жапония ынтымақтастықты үдемелі кеңейту үшін зор әлеуетке ие деп санаймын.
Динара Жарқынбек
