Жаңалықтарды Telegram арнамыздан оқыңыз!
Грек-рим күресінен Париж олимпиадасына күміс медаль сыйлаған Демеу Жадыраевқа анасы және жерлестері жиналып қолдау білдірді. Панфилов ауданына қарасты Үшарал ауылына туған-туыс, көрші қолаң жиналып, аулада ине шаншар жер болмады. Финалдық жекпе-жекті жерлестерімен бірге көруге аудан басышысы мен Бейжің олимпиадасының күміс жүлдегері Нұрбақыт Теңізбаев арнайы келді. Бір спорт алаңында бірге жаттығып, бір ауылдан олимпиадада екі күміс медаль алған екі спортшының ерлігі қазақ елі үшін үлкен мақтаныш.
Күлипа Бижанова, Д.Жадыраевтың анасы:
Қаншама тер төкті. Оңай емес, қиналды. Қиналмады емес, спортсмендердің бәрі қиналады. Оны өзім де білем. Аллаға шүкір бағы жанып осы орынды алып қуанып жатырмыз. Қуанышымызға туысқан-туған, жекжат-жұрағат жан жақтан бәрі телефонмен звондап қуанып жатыр.
Қуаныш Қанатұлы
