«Дикий Арманның» сыбайластары ұсталды

«Дикий Арманның» сыбайластары ұсталды. Бұл туралы Ішкі істер министрлігі Ұйымдасқан қылмысқа қарсы күрес департаменті хабарлады. Олар Ұлттық қауіпсіздік комитеті және Бас прокуратурамен бірлесіп, бір уақытта Алматы мен Шымкент қалаларында «Дикий Арманның» ұйымдасқан қылмыстық тобының мүшесі болуы ықтимал деген күдікпен 15 адамды ұстаған.

Қылмыстық топтың жетекшісі қамалғанымен, олар заңсыз әрекеттерін жалғастырып келген. 40-тан астам тінту іс-шарасы жүргізіліп, атыс, травматикалық және суық қару, сондай-ақ олардың құқыққа қайшы қызметінің өзге де заттай дәлелдемелері тәркіленді.

Мамандар жалпы соңғы екі жылда 140-тан астам қылмыстық топтың қызметін тоқтатқан.

Динара Жарқынбек