Жаңалықтарды Telegram арнамыздан оқыңыз!Бүгін Париж Олимпиадасында қазақстандық спортшылар жеңіл атлетика, байдарка мен каноэде есу, грек-рим күресі, жартасқа өрмелеу және бокс секілді жарыстың 5 түрі бойынша бақ сынайды. Барлығы 11 отандасымыз жарыс жолында өнер көрсетеді. Олардың арасында жеңіл атлет Нора Джеруто мен боксшы Назым Қызайбай бар. Назым сағат түнгі бірде жартылай финалда қытайлық Ву Юмен бәсекеге түседі. Ал палуан Демеу Жадыраев сағат 14:00-де алғашқы айналымда эквадорлық Джейр Куеромен белдеседі. Олимпиадада 5 тамыздағы жарыс күнінен кейін Қазақстан құрамасының қоржынында 1 алтын, 1 күміс, 2 қола жүлде бар.
Жандос Темірғали
