Париж-2024: Жалпы медальдар кестесінде қытай көш бастап тұр

Париж Олимпиадасында медаль саны бойынша дәл қазір көш бастап тұрған ел - Қытай. Аспан асты елінің қоржынында 7 алтын, 6 күміс, 2 қола. Жапония 7 алтын, 2 күміс, 4 қоламен екінші орынға жайғасты. Үздік үштікті жарыс иесі түйіндеді. Француздарда әзірге 6 алтын, 9 күміс, 5 қола.

Ал Қазақстан құрамасы бір алтын, екі қоламен 14-орынға ығысты. Яғни кешегі көрсеткішпен салыстырғанда екі орынға төмендедік. Париж Олимпиадасының жүлделеріне әзірге 44 мемлекеттің спортшылары қол жеткізіп отыр. Жалпы, бүгін дүбірлі додада 10 түрлі спорт түрінен 15 медаль жиынтығы сарапқа салынатынын айта кетейік.

Қаракөз Тұрмағанбет