Жаңалықтарды Telegram арнамыздан оқыңыз!Алматы тауларында сел қаупінің «қызғылт сары» деңгейі жарияланды. Бұл туралы қалалық Төтенше жағдайлар департаменті хабарлады.
«Қазгидрометтің» дауылды ескертуіне сәйкес, алдағы күндері қатты жаңбыр болуы мүмкін. Өзендердегі су деңгейі көтеріледі деген қауіп бар. Осыған орай мамандар қала тұрғындары мен қонақтарға әзірге таулы аумаққа барудан бас тартуға шақырады.
Айта кетейік, «Қазселденқорғау» бөлімшелері сел қаупі бар учаскелерде аэровизуалды бақылауды күшейтті. Сондай-ақ тәулік бойы инженерлік-техникалық қызметкерлердің кезекшілігі ұйымдастырылды.
Айдана Қуантхан
