Жаңалықтарды Telegram арнамыздан оқыңыз!Көкпардан Ұлттық құрама Көшпенділер ойындарына дайындықты күшейтті. Шабандоздар қазір Алматы облысында оқу-жаттығу жиындарын өткізіп жатыр. Бас бапкер Ақылбай Манкеевтің айтуынша, спортшылар мінетін жылқылар таңдалып алынған. Іріктелген аттардың бәрі мықты, - дейді. Бұл дайындықтың екінші бөлігі. Бұған дейін көкпаршылар физикалық жаттығуын пысықтады. Алдын ала болжам бойынша V Дүниежүзілік көшпенділер ойынында көкпардан Ұлттық құраманың басты қарсыласы - Қырғызстан мен Өзбекстан командасы болады.
Ақылбай Манкеев, көкпардан ұлттық құраманың бас бапкері:
Қазіргі таңда құраманың дайындығы жақсы. Ешқандай әзірге кемшілік көріп тұрған жоқпыз. 40-тай ат жинап қойдық осы жерге. Солардың арасынан іріктеп шығамыз деген үмітіміз бар.
Әділет Мамыт, көкпардан ұлттық құрама мүшесі:
Көшпенділер ойындарына дайындалып жатқанымызға 2 айдай уақыт болып қалды. Дайындығымыз жақсы. Еліміздің үмітін ақтаймыз деген үміттеміз. Біздің елде болғаннан кейін әйтеуір жауапкершілікте ауырлау болады. Осы барынша қаттырақ дайындалудамыз.
Асылбек Данияр
