Қарағанды ферроқорытпа зауытындағы апаттың себеп-салдары әлі белгісіз

Осы ферроқорытпа зауытындағы апаттың себеп салдары әлі белгісіз. Қылмыстық іс қозғалып, тергеп-тексеріліп жатыр. Оған қоса әкімшілік іс қозғалды. Бұл туралы Үкімет отырысынан кейінгі брифингте төтенше жағдайлар вице-министрі Бауыржан Сыздықов айтты. Ведомство өкілінің сөзінше, апат туралы хабар төтенше жағдайлар қызметіне екі сағаттан соң түскен. Оның үстіне, оқиға орнына жеткен құтқарушыларды зауыт қызметкерлері ішке кіргізбеуге тырысқан.

Бауыржан Сыздықов, ҚР Төтенше жағдайлар министрінің орынбасары:

Оқиға таңғы сағат 4:10-да болған. Бірақ өкінішке орай бұл хабар бізге 6-дан 8 минут өткенде түскен. Ол азаматтық қорғау саласындағы заңнамаларға қайшы келеді. ТЖМ құтқарушылары ол жерге санаулы уақытта жетті, бірақ мекеме қызметкерлері оларды ішке кіргізбеуге тырысқан. Осыған байланысты әкімшілік іс қозғалды. 

Жандос Темірғали