Күйік шалған балалар Алматыға жеткізілуі мүмкін

Қызылордадағы газ жарылысынан зардап шеккен балаларға көмек беру үшін Алматыдан дәрігерлер келді.

Аурухананың жансақтау бөлімінде жатқан жасөспірімдердің денесін 60-тан 80 пайызға дейін күйік шалған. «Жағдайлары ауыр. Жарылыстан кейін қорқыныштары басылмаған балалар әлі де толық ес жия алмады»,- дейді мамандар. Алматылық дәрігерлер енді бірлесе отырып ем жүргізбек. Оларды санавиациямен Алматыға жеткізу мәселесі де қаралып жатыр.

Раджа Жұмаділдаев, Алматы қаласындағы балаларға шұғыл медициналық көмек көрсету орталығының бөлімше меңгерушісі:

Бұл - күйік ауру деген өте созылатын ауру. Бірнеше уақыт керек. Сондықтан қазір қалай болатынын айту өте қиын. Біз қарадық. Енді Алматыға ауыстырудың амалын іздестіріп жатырмыз.

 Әділбек Серікұлы