Газа секторында балалар тері ауруына шалдығып жатыр

Газа секторында санитарлық жағдайдың нашарлауынан, таза су мен гигиеналық заттардың жоқтығынан балалар тері ауруларына шалдығып жатыр. Оларды емдейтін дәрі тапшы. Мұны Хан-Юнус қаласындағы Нассер госпиталінің дәрігерлері мәлімдеді.

Газа денсаулық сақтау министрлігі болса, кәріз суынан вирус табылғаннан кейін полиомиелит эпидемиясы басталғанын жариялады.

Айта кетсек, палестиналық анклавта былтыр қазан айында Хамас-Израиль қақтығысы басталды. Содан бері Газада Израиль армиясының соққысынан мыңдаған ғимарат қирап, 39 мыңнан астам адам қаза тапты.