Венесуэла сайлау комитеті қазіргі президент Николас Мадуроның жеңіске жеткенін хабарлағаннан кейін елде ауқымды шерулер басталды. Мемлекет астанасы Каракас пен өзге де қалаларда мыңдаған адам көшеге шықты. Олар полициямен ғана емес, жауынгерлермен де қақтығысты. Талай көлік пен қоқыс жәшігі өртелді.
Тәртіп сақшылары президент сарайы айналасындағы жолдарды жауып, демонстранттарға резеңке оқ жаудырып, көзді жасаурататын газ шашқан. Шерушілердің сөзінше, оппозициялық кандидат Эдмундо Гонсалес 6,2 миллион, ал Мадуро 2,7 миллион дауыс жинаған. Алайда, Мадуро бұны жоққа шығарып, тәртіпсіздіктерді сыртқы "фашистік және контрреволюциялық күштердің" төңкеріс әрекеті деп атады.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Венесуэлада президенттік сайлау нәтижесіне қарсы шеру тәртіпсіздіктерге ұласты&mh_tags=Qazaqstan&mh_page=https://qazaqstan.tv/news/197169/)