Алматы облысында адасып кеткен балалар табылды

Алматы облысы Талғар ауданындағы таулы аумақа 8 бен 15 жас аралығындағы жасөспірімдер адасып кеткен. Құтқарушылар олардың саны 25 болғанын айтты.

Мамандар адасқандарды Таусамалы аймағындағы сауықтыру лагерінен 300 метр қашықтықтан тапты. Барлығы дін аман. Олардың біреуі ересек адам, қалғаны мектеп оқушылары. Іздеу жұмыстарына республикалық жедел-құтқару жасағы жұмылдырылды. Олар адасқандарды қауіпсіз жерге жеткізді. Төтенше жағдайлар министрлігінің хабарлауынша, демалушылар медициналық көмекке мұқтаж емес.