Ресейдің Волгоград облысында жолаушылар пойызы жүк көлігімен соқтығысып, 140 адам жарақат алды

Ресейдің Волгоград облысында «Қазан-Адлер» бағытымен келе жатқан жолаушылар пойызы КАМАЗ жүк көлігімен соқтығысып, жеті вагон аударылды, барлығы тоғыз вагон рельстен шығып кеткен. Пойызда 803 адам болған, 140 жолаушы түрлі жарақат алды, 20-ға жуық адам ауруханаға жатқызылды. Зардап шеккендердің арасында Қазақстан азаматтарының бар-жоғы әзірге белгісіз. Апат салдарын жоюға 320-дан астам адам мен 100 техника, екі Ми-8 тікұшағы жұмылдырылған.

Индира Бегайдар