Маңғыстауда мектеп директорлары мен бөлім басшысы сотталды

Маңғыстауда жеке кәсіпкер оқушыларды тамақпен қамтамасыз ету үшін білім бөлімінің бұрынғы басшысына және мектеп директорларына пара берген. Ол үш мектеппен келісім шартқа отырған. Қаражатты тез аударып, құжатқа кедергісіз қол қою үшін және жалпы қамқорлық үшін бөлім басшысына 4 миллион теңге, директорларға 800 мыңнан -2 миллион теңгеге дейін пара берген. Сот шешімімен экс-басшы мен бір директор 5 жылға, екінші директор 4,5 жылға сотталды. Тағы бір директорға 40 миллион теңге айыппұл салынды. Ал, жеке кәсіпкер 7 жылға бас бостандығынан айырылды.

Аягөз Оралбайқызы