Жаңалықтарды Telegram арнамыздан оқыңыз!
Орталық Азия елдері мен Қытай арасындағы сауда-саттық көлемі соңғы жылдары 2 есеге жуық артқан. Әсіресе, «Бір белдеу – бір жол» жобасы жүзеге аса бастағалы бері жыл сайынғы өсім 8 пайызға дейін жеткен. Ташкенттегі Орталық Азия халықаралық институтының ғылыми сарапшысы осылай деді. Мұнан бөлек, инвестициялар көлемі 270 миллиард долларды құрап отыр. «Бір белдеу – бір жол» жобасын құру идеясы әу баста Қытай басшысы Си Цзинпиннің Астанаға алғашқы ресми сапары барысында көтерілген болатын. Заман талабына сай соңғы технологияларды игеру бойынша да аспан асты елімен қарым-қатынастың маңызы зор дейді мамандар.
Шавкат Алимбеков, Орталық Азия халықаралық институтының ғылыми сарапшысы:
Цифрлық технологияларды қолдануда Қытай әлемдегі көшбасшы елдердің бірі. Осы бағытта бірлескен жобаларды жүзеге асыру маңызды. Сандық технологияны дамытуды белсенді қолға алған Орталық Азия елдері бұл жобаның аясында бірлесе жұмыс істеу арқылы зор әлеуетке ие болады.
Базаркүл Отыншиева
