Басты Жаңалықтар Дүниежүзілік көшпенділер ойындарына дайындық қызу

Дүниежүзілік көшпенділер ойындарына дайындық қызу

29.07.2024 17:11

Астанада өтетін бесінші Дүниежүзілік көшпенділер ойындарына көршілес Өзбекстанның да спортшылары қатысады. Қыркүйек айында басталатын аламанға бүгінде қызу дайындық жүріп жатыр. Бауырлас өзбек елінің ұлттық құрамасы жүлделі орындар үшін бақ сынауға ниетті. Қазір спортшылар құрамы жасақталып, мықтыларды анықтау үшін жергілікті командалар арасында түрлі жарыстар өткізу қолға алынған.

Дүниежүзілік көшпенділер сайысы бағдарламасында спорттың 20-дан астам түрінен жарыстар өтеді деп жоспарланған. Олардың арасында Өзбекстанда кең таралған – мас-рестлинг, жекпе-жек, ат спорты, садақ ату мен арқан тарту бар.

Айта кетейік, 5-ші Дүниежүзілік көшпенділер ойындары Астана қаласында қыркүйектің 8 мен 13-і аралығында өтеді. Ойындарға 85-тен астам елден 2 мыңнан астам қатысушы келеді деп жоспарланып отыр. Олар спорттың 21 түрінен бақ сынайды.

Бөлісу