Бүгін Париж Олимпиадасы салтанатты түрде ашылады

Бүгін Парижде жазғы Олимпиада ойындары басталады. Ашылу салтанаты Астана уақыты бойынша сағат 22:25-те «Qazaqstan», «Qazsport» телеарналары тікелей эфирде көрсетеді. Қазір Францияда дайындық қызған. Қала ішіндегі қоғамдық көліктердің қозғалысына шектеу қойылды. Полицейлер мен волонтерлерді қоса алғанда 80 мыңға жуық адам қоғамдық тәртіпті қадағалап жүр. Ал, Сена өзенінің жағалауындағы спортшылар шеруі өтетін аумақтарға өту шектелген.

Нұрсұлтан Тілектес – Тілші:

Бірнеше сағаттан кейін төртжылдықтың басты бәсекесі басталады. Франция билігі әлем көз тіккен шараға қызу дайындалып жатыр. Ең басты мәселе ол әрине - қауіпсіздік. Париж көшелерінде қауіпсіздікті қамтамасыз етуге полицейлер мен волонтерлерді қоса алғанда 80 мың адам жұмылдырылған. Қоғамдық көліктердің қозғалысына шектеу қойылған. Қаладағы біршама метро бекеттері жабық. Ал, 206 елден келген спортшылар мен делегация өкілдері жүріп өтетін Сена өзені аймағына рұқсатпен ғана кіргізеді. Тіпті, Париж аспанынан ұшақтардың ұшуына да қатаң тыйым салынды. Франция билігі осы жолы жаһан жұртын таңқалдырды десек қателеспейміз. Өйткені олимпиада ойындарының ашылу салтанаты тұңғын рет стадионнан тыс жерде өтпекші. Шарада 3000 өнерпаз өнер көрсетеді деген ақпарат бар. Айта кетейік кеше дзюдо, бокс және теннистен ұлттық құрама спортшыларының жеребе тарту арқылы қарсыластары белгілі болды. Спортшыларымыз техникалық, тактикалық тұрғыдан тас-түйін дайын. Елеміздің көк туын бокстан әлем чемпионы Асланбек Шымбергенов пен өзінің төртінші олмпиадасына қатысқалы отырған Ольга Сафронова көтеріп шығады. Сондықтан біз болып, сіз болып ұлттық құраманың спортышалыраны қолдау көрсетейік, жанкүйер болайық.