Жаңалықтарды Telegram арнамыздан оқыңыз!«Адам папиллома вирусына қарсы егілетін вакцина бедеулікке әкеледі». Әлеуметтік желіде тараған бұл ақпарат жалған. Денсаулық сақтау министрлігі халықты шындыққа жанаспайтын деректерді таратпауға және оған сенбеуге шақырды. Министрлік дерегінше қыркүйектен бастап 11 жастағы қыздар Адам папиллома вирусына қарсы екпе алады. Вакцина АҚШ-та өндірілген, әрі сертификатталған. Қауіпсіздігі дәлелденген, - дейді мамандар.
Елімізде жыл сайын осы кеселдің 1900 жаңа жағдайы тіркеліп, 600-ден астам әйел көз жұмады. Аурудың алдын алуға тек вакцина көмектеседі - дейді министрлік өкілдері.
Динара Жарқынбек
