18 жастағы жігіттің жүрегі басқа адамға ауыстырылды

18 жастағы жігіттің жүрегі басқа адамға ауыстырылды. Шымкентте жол апатынан қаза тапқан азаматтың ағзасы өзгеге өмір сыйлады. 24 шілде күні жол-көлік оқиғасынан қайтыс болған азаматқа дәрігерлер дереу операция жасап, оның жүрегін басқа адамға салған. Операция 6 сағат бойы жасалған.

Дархан Сүйгенбаев, Шымкент қалалық жүрек орталығының бас дәрігері:

Реципиент ер адам 58 жаста. Операция түнде жасалды. Қазір науқас реанимацияда, ояу жатыр. Жағдайы бірқалыпты, ритм, қан қысым бәрі жақсы.Біртіндеп қалпына келеді. 

Жалпы республикалық трансплантацияны үйлестіру орталығының дерегінше, донорлыққа 106 мың 113 адам тіркелген. Ал қазір елімізде 4 мың 99 науқас ағза донорына зәру.

Дархан Рахымжан