Жаһандық ақпараттық жүйедегі ақаудан компаниялар 5,4 млрд доллар жоғалтқан

Әлемде Windows бағдарламасынан ақау шығу салдарынан компаниялар 5,4 миллиард доллар жоғалтқан. Мұны «Би-би-си» телерадиокорпорациясы хабарлап отыр. Айта кетсек, дүниежүзінің ақпараттық жүйесі өткен жұмада тоқтап, одан талай әуе компаниясы, медиа ұйымдар, банктер және тағы басқа мекемелер зардап шекті. Солардың ішінде америкалық 500 ірі кәсіпорын бар. Мамандардың айтуынша, бұл ақауға «КроудСтрайк» антивирустық бағдарламасын автоматты түрде жаңарту әрекеті себеп болған.