«Наурыз» ипотекалық бағдарламасымен несие беріле бастады

Бағдарламаға 38 мыңнан астам адам қатысқан. Оның ішінде 12 жарым мың азаматтың өтініші мақұлданды. Бұл ипотеканың пайыздық мөлшерлемесі әлеуметтік осал топтар үшін 7, өзгелер үшін 9 пайыз. Бастапқы жарна үй құнының 20 процентінен кем болмауы тиіс. Ал қарыз 19 жылға дейін беріледі. Өтінім берушілерге «Отбасы банкінен» депозит ашу мерзіміне талап қойылмайды. Тек шотта 1 млн теңге болуы шарт. Әрі соңғы 5 жылда атында үй болмауы керек.

Айя Мүтәлі