Лондондағы Корольдік гвардия жылқысы туристі тістеп алды. Уайтхолл жанында әскерилердің атымен фотоға түспекші болған әйелге жануар тарпа бас салды.
Видеода саяхатшының жан даусы шығып, айқайлай жөнелгенін көруге болады. Жанында тұрғандар оның жарақатын тексеріп, алғашқы көмек көрсетуге тырысқан. Ғимараттың қабырғасындағы: «Абайлаңыз! Жылқылар теуіп жіберуі немесе тістеп алуы мүмкін» деген жазбаға қарамастан туристер жануарға жақын тұрып, естелік фотоға түсуге әуес. Корольдік гвардия өкілдері қауіпсіздік шараларын сақтауға шақырды. Жылқылар ұзақ уақыт бойы бір жерде тұруға мәжбүр болғандықтан күтпеген мінез-құлық танытуы ғажап емес, дейді мамандар.
Марина Бекенова
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Лондонда гвардия жылқысы туристі тістеп алды&mh_tags=Qazaqstan&mh_page=https://qazaqstan.tv/news/196927/)