Жаңалықтарды Telegram арнамыздан оқыңыз!Үкімет көктемгі су тасқынынан зардап шеккен білім беру мекемелерін қалпына келтіруге және кейбірін қайта салу үшін төтенше резервтен 7,5 млрд теңге бөлді. Қалпына келтіру жұмысы еліміздің үш өңірін қамтиды. Олар Қостанай, Ақмола және Ақтөбе облыстары. Қостанай облысында Жангелдин ауданындағы Айса Нұрманов атындағы мектеп ғимаратын жөндеу жоспарланған.
Ақмола облысында Атбасар қаласында №1 мектеп, осы аудандағы Сергеевка ауылында «Есіл» сауықтыру кешені, сондай-ақ Державинск қаласында Абай атындағы мектеп салынады. Ақтөбе облысында Көтібар батыр атындағы мектеп және Мұғалжар ауданындағы «Балауса» балабақшасы, Ойыл ауданындағы «Балбөбек» мектеп-бақшасы мен балабақшасы, Екпетал мектебі қамтылады.
Раушан Сайлауқызы
