Былтыр жұмыс орындарында 2670 жазатайым жағдай тіркелді

Өндірістегі оқыс оқиғалар саны жыл сайын өсіп келеді. 2021 жылы ел бойынша 2133 жағдай тіркелсе, 2022 жылы 2449 оқыс жағдай болған. Былтыр бұл сан 2670-ке жетті. Өндірістегі ең көп оқыс оқиға Қарағанды облысында болған. Былтыр өңірде 496 жағдай тіркелді. Одан кейін Ұлытау мен Шығыс Қазақстан облыстары. Ал қызмет түрі бойынша өңдеу мен тау-кен өнеркәсібі және құрылыс жарақаттану қаупі жоғары сала болып отыр. Жарақаттардың негізгі түрлері жабық сынықтар мен сыртқы жарақат және ми шайқалу мен ішкі ағза жарақаттары. 2023 жылдың өзінде 102 адам термикалық күйікке ұшыраған. Зардап шеккендердің 18,2 пайызы әйелдер.

Шерхан Жамбылұлы