Бүгін көпшілік арасында Лаки Кесоглу деп танылған әнші Пантелей Кесоглу 85 жасқа толды. Президент мәдениет пен эстрада өнерін дамытуға қосқан елеулі үлесі үшін І дәрежелі «Барыс» орденімен марапаттады. Арнайы Жарлыққа қол қойды. Лаки Кесоглу кеңестік және қазақстандық эстрада әншісі. Ол 1939 жылы 22-шілдеде дүниеге келген. Қазақ КСР-нің Халық әртісі, Қазақстан Республикасының Мемлекеттік сыйлығының иегері, Темірбек Жүргенов атындағы Қазақ ұлттық өнер академиясының профессоры. Достық және Құрмет ордендерінің иегері.
Динара Жарқынбек
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Лаки Кесоглу «Барыс» орденімен марапатталды&mh_tags=Qazaqstan&mh_page=https://qazaqstan.tv/news/196820/)