Бала қауіпсіздігі үшін жазғы демалысты тиімді жоспарлау маңызды

Бала қауіпсіздігі үшін жазғы демалысты тиімді жоспарлау маңызды. Осылай деген Астана қалалық Білім басқармасы басшылығы биыл оқушылардың 96 пайызы демалысын жазғы алаңдарда өткізуді жоспарлағанын айтты. Балалардың жазғы демалысын ұйымдастыру екі бағыт бойынша жүргізіліп жатыр – сауықтыру және жұмыспен қамту. Білім беру ұйымдарының базасында оқушылардың қызығушылығына қарай бейіндік, спорттық, археологиялық лагерьлер мен «Саржайлау» этнолагері жұмыс істейді.

Серік Әділбаев, қалалық Білім басқармасы басшысының орынбасары:

Білім беру ұйымдарының басшыларымен, полиция, төтенше жағдайлар, санитарлық эпидемиологиялық бақылау, қоғамдық Денсаулық сақтау басқармасының өкілдері шақырыла отырып, кеңестер ұйымдастырылды. Барлық басшыларға балалардың жазғы демалысын ұйымдастыру кезінде қауіпсіздік техникасын сақтау ұсыныстар, жадынамалар таратылып берілді.

Оңғар Алпысбайұлы