Жаңалықтарды Telegram арнамыздан оқыңыз!
Батыс Қазақстан облысында атом электр стансасын салу бойынша жария талқылау өтті. Облыстық қоғамдық кеңес мүшелері мұрындық болған жиынға өңірдің барлық ауданынан келген қоғам белсенділері қатысты. Энергетика министрлігі мен Ұлттық ядролық орталық, ядролық физика институтының сарапшылары атом электр стансасының артықшылығы мен қауіпсіздігі жайлы баяндады. Экобелсенділер атом энергиясын дамытуда экологиялық нормалардың қатаң сақталуы қажеттігін айтты. Мәселеге бей-жай қарамайтын өңір тұрғындары да ұсыныс-пікірлерін білдіріп, көкейтесті сауалдарына жауап алды.
Гүлмира Мұрсалова, ҚР Энергетика министрлігі департамент директорының орынбасары:
Қазіргі уақытта халық түсінеді бізге электр энергиясы керек өз-өзімізді қамтамасыз ету үшін. Жаңартылған энергия көздеріне қарағанда, атом электр стансасы тұрақты жұмыс істейтін станция. Ал жаңартылған энергия көздері ауа райына тәуелді болғандықтан, тұрақсыз болып саналады.
Ардақ Мұратқызы
