Астанада ірі креативті хаб ашылды

Ал Астанада алғашқы ірі креативті хаб ашылды. Шығармашылық топ өкілдері енді осы алаңда өз туындыларын ұсына алады. Үш қабатты ғимаратта отандық баспалардың өнімдеріне арналған оқу залы, этно-мұражай және қолөнер шеберханалары бар. Әрі мұнда заманауи театр қойылымдары, музыкалық және әдеби кештер өткізуге болады. Мұндай хаб бүгінде Астанада, Алматыда және Түркістан қаласында бар. Жақында Орал қаласында тағы бір орталық ашылады. Жалпы креативті индустрияны дамытудың маңызын бұған дейін Мемлекет басшысы Ұлттық құрылтайда айтқан еді.

Мақпал Жұмабай, Ozgeepic креатив хабының негізін қалаушы:

Бұл кеңістікке бойында таланты бар, өзін басқа қырынан танытқысы келетін және өнерімен кәсіби түрде айналысқысы келетін кез келген Қазақстан азаматы, шетел азаматы келе алады. Негізгі біздің мақсатымыз – бәсекеге қабілетті өнер жасау, сонымен қатар талантты жастарға тәлімгерлік ету. 

Айя Мүтәлі