Алматыда автобус апаты: 9 адам зардап шекті

Алматыда тағы да жолаушыларға лық толы автобус апатқа ұшырады. Бұл жолы ауыр жүк көлігі қоғамдық көлікке келіп соқтығысқан. Ал автобус жеке үйдің қоршауына қарай ұшып кеткен. Оқиға таңғы 9-да болған. Денсаулық сақтау басқармасының мәліметінше, 9 адам зардап шеккен. Оның 7-уі қажетті ем-дом алып, үйлеріне жіберілсе, қалған екеуінің халі тұрақты ауыр. Қазір жол-көлік оқиғасының мән-жайы анықталып жатыр.

Әйгерім Ердәулет