Ақтөбеде жыл басынан бері 1000-ға жуық адамнан қатерлі ісік анықталды

Ақтөбеде жыл басынан бері мыңға жуық адамнан қатерлі ісік анықталды

Ақтөбеде жыл басынан бері 1000-ға жуық тұрғыннан қатерлі ісік анықталды. Олардың 11% аурудың 4-ші сатысында ғана өзінің дертке шалдыққанын білген. Жергілікті мамандар осылай деп отыр. Өңірде өкпе обыры жиі кездеседі. Ал әйелдер арасында сүт безінің қатерлі ісігі көп. Сондықтан дәрігерлер жиі тексерістен өтіп тұруға кеңес береді. Ауруды ерте анықтаса, ем қонады. Қазір онколог дәрігерлер қатерлі ісікті анықтау үшін ашық есік күндерін жиі өткізіп жатыр. Мақсат – халық арасында медициналық сауатты арттыру.

Олжас Оразаев, М.Оспанов атындағы БҚМУ Медицина орталығы онкологиялық қызметінің үйлестірушісі:

Көбінесе адамдар 55 пен 70 жас аралығындағы онкологиялық потологияны дамытады. Әрине қатерлі ісік жас жаста, соның ішінде балаларда кездеседі. Сондықтан сүт безі мен жатыр мойны обырын анықтау кейбір скринингтер 20 және 30 жастан басталады. Мысалы биыл 20 мен 40 жас аралығындағы 70 науқас анықталды.

Оңғар Алпысбайұлы