«Наурыз» бағдарламасымен үй алатындардың тізімі шықты

 «Наурыз» ипотекалық бағдарламасымен 12 мыңнан астам адамның өтініші мақұлданды. «Отбасы банктің» хабарлауынша бағдарламаға 38 мыңнан астам адам қатысқан. Бүгінде ипотекасы мақұлданғандардың тізімі банк сайтында жарияланды. Оның жартысы аз қамтылған және тұрғын үй кезегінде тұрған азаматтар.

Жалпы «Наурыз» бағдарламасының пайыздық мөлшерлемесі әлеуметтік осал топтар үшін 7, өзгелер үшін 9 пайыз. Бастапқы жарна үй құнының 20 процентінен кем болмауы тиіс. Қарыз 19 жылға беріледі. Өтінім берушілерге «Отбасы банкінен» депозит ашу мерзіміне талап қойылмайды. Тек шотта 1 млн теңге болуы шарт және кейінгі 5 жылда атында үй болмауы керек.

Айя Мүтәлі