Франция Спорт министрі Сена өзеніне түсіп, судың сапасын тексерді

Сена өзенінің суы Олимпиада ойындарының қатысушылары үшін қауіпті емес. Францияның Спорт министрі Сенаға сүңгіп, судың сапасын тексерді. Париж қаласының негізгі су артериясы араға ғасыр салып тазартылды. Мұнда 1923 жылдан бері шомылуға тыйым салынған. Себебі жауын жауса болды, қаладағы ағын сулар қоқысымен қоса осы Сена өзеніне келіп құяды.

Париж мэриясының өкілі Пьер Рабаданның мәлімдеуінше, кейінгі 10 күн бойғы зерттеулердің нәтижесі өзен суының сапасы стандартқа сай екенін көрсеткен. Париж Олимпиадасы шілденің 26-да басталып, тамыздың 11-не дейін жалғасады. Ал Сена өзенінде дүбірлі доданың салтанатпен ашылу рәсімімен қоса, триатлон және ашық судағы жүзу жарыстары өтеді.