Жаңалықтарды Telegram арнамыздан оқыңыз!Қырғызстанда толассыз жаңбырдың арты алапат тасқынға ұласып, 4 адамның өмірін жалмады. Нөсер жаңбырдан Ақ-Буура өзені арнасынан асып, Ош қаласындағы бірнеше ауылды су шайып кетті.
Ауыл маңындағы «Мол бұлақ» демалыс аймағында 44 жастағы әйел мен оның 19, 10, және 6 жастағы үш қызы қайтыс болды. Қазір, олардың денесін іздестіру жұмыстары жүріп жатыр. Тасқын салдарынан зардап шеккендер саны әлі де азаяр емес. Кеше 30 адам жедел жәрдем көмегіне жүгініп, оның 9-ы ауруханаға жатқызылған. 134 үй мен 15 көлік қирады. Сондай-ақ, тұрғындарды эвакуациялап жатқан камаз жүк көлігі байқаусызда бір адамды басып кеткен. Қазір Ноокат ауданында Ош-Баткен-Раазақов жолының учаскесі жабылды. Қауіп әлі де бар. Өйткені, нөсер жаңбыр 4 күннен бері басылмай тұр.
Раушан Сайлауқызы
