Жаңалықтарды Telegram арнамыздан оқыңыз!Су тасқынынан зардап шеккен ақтөбелік мыңнан аса бала еліміздегі үздік оқу-сауықтыру орталықтарында тегін демалып жатыр.
Өңірде Ақтөбе қаласы мен 6 ауданда төтенше жағдай жарияланған еді. Бұл аумақтардағы оқушыларды қолдау мақсатында түрлі мәдени іс-шаралар қолға алынды. 343 бала Ақмола, Алматы, Жамбыл, Түркістан және Қарағанды облыстарындағы сауықтыру орталықтарына жіберілген. Ақтөбе қаласындағы лагерьлерде де жүздеген оқушы демалды. Сондай-ақ, «Жаздық жолдама» жобасы аясында 36 балаға ұмытылмас демалыс ұйымдастырылды. Бұл шаралар әлі жалғасады.
Нұргүл Бертілеуова, облыстық Білім басқармасы басшысының орынбасары:
Облыста жаңа жоба қолға алынған болатын. «Талант тур» деп аталады. Осы «Талант тур» жобасы аясында 500 бала үшін Ақтөбе қаласында үш күндік демалыс ұйымдастырылды. Қаладағы ойын-сауық орындарына түрлі қызықты саяхаттар ұйымдастырылып, балалардың дем алуына толық жағдай жасалды.
Жақсыбек Кемал
