Алматы облысының тұрғыны суға батып бара жатқан баланы құтқарып қалды

Алматы облысында 28 жастағы азамат суға батып бара жатқан баланы құтқарып қалды. Оқиға Талғар ауданының аумағында болған. Куәгерлердің сөзінше, бүлдіршін Үлкен Алматы каналының бойында аяғы тайып, суға құлаған. Оны көрген жігіт бірден суға секіріп, ағынмен кетіп бара жатқан баланы ұстап қалған. Алматы облысы әкімдігінің мәліметінше, ерлік жасаған азамат – Райымбек ауданының тумасы. Ауыл шаруашылығымен айналысады. Жергілікті билік өкілдері адам өмірін аман алып қалғаны үшін марапатталатынын жеткізді.

Қуан Нұрақын