Жаңалықтарды Telegram арнамыздан оқыңыз!Алматы облысында 4,8 млрд теңгеден астам субсидия ұрланған. Облыс прокуратурасы ауыл шаруашылығы басқармасын тексере келе, бюджеттік субсидияларды жымқырудың және оларды заңсыз төлеудің жүйелі схемаларын анықтады. Мәселен, асыл тұқымды жануарлар үшін 1,2 млрд теңге субсидия алынған. Алайда, құжаттар тек ресми түрде рәсімделіп, облыста асыл тұқымды мал саны ұлғайтылмаған. Дәл солай, асыл тұқымды қой саны 4 жылда 2 млн-ға жуықтады деп көрсетілгенімен, олардың нақты саны небәрі 367 мың бас болған. Ұрлау фактілері бойынша, сотқа дейінгі тергеу басталған. Нәтижесінде бюджетке 110 млн теңге қайтарылды.
Раушан Сайлауқызы
