Жаңалықтарды Telegram арнамыздан оқыңыз!Ел экономикасының дамуына қатысты болжам нашарлады. Бүгін Ұлттық банк сарапшылар арасында жүргізген сауалнама нәтижесін жариялады. Оған сай биыл ел экономикасы бұған дейін айтылғандай 4,3 емес, 4,1 процентке өсуі мүмкін. Ал 2025, 2026 жылдары 4,5 емес, 5 пайызға көтеріледі деп болжанып отыр. Инфляцияға қатысты болжам керісінше жақсара түсті. Биыл ол 8,5 емес 8 процентке дейін төмендейді, дейді сарапшылар. Келесі жылы тіпті 6 процентке дейін азаюы мүмкін. Ал мұнай бағасы 2026 жылға дейін 80 доллар шамасында болады деп болжанып отыр.
Досжан Маратұлы
